HAU DENA – 2 LP, LIBRETOA, POSTERRA
87 musikari, 7 artista audiobisual, 17 laguntzaile
2023an 10 urte bete ditu Katakrakek. 12 liburutan oinarriturik 15 abesti original sortu dituzte eta, ia denak Katakrakeko areto nagusian grabatu dira, ezohiko estudio inprobisatu batean, ezohiko dinamikekin. Biolontxeloak, kitarrak, eskusoinuak, zakurrak, xake taulak, arroza, haurrak, alfonbrak, mikrofonoak, zigarretak leihoan.
Abestiez gainera disko bikoitzak 15 audio dauzka, gure artxibategiko 823 piezetatik haurtatutako oren gorenak. Diskoko abestiak plataformetan egongo badira ere, diskoan soilik jasoko da proposamena osorik.
Liburua koloretako 24 orrialdeko libreto batekin dator. 3 argazkilarik grabazioetan egindako 523 argazkien hautaketa batekin, ia eduki guztia euskaraz eta gazteleraz.
