«Obuluek espermatozoideek baino gehiago balio dute»

2016/10/01

Hala esan zion Raquel Cedielek (Madril 1980) Sara Muerzari Berriako elkarrizketan. Egun horretan bertan aurkeztu zuen Libro de la reproducción asistida para lesbianas y solteras liburua: entzungai daukazu audioa, bertan negozioa, generoa, gorputza, bizitza pribatua eta lgtbi-en eskubideak harilkatzen dira.

Feriatzaileak, La utopía tiene los pies descalzos

Etxeko bi lagunek liburua atera dute. Asteon bertan Patxi Larrionek Feriatzaileak uarkeztu du. Iruindararren lehenengo eleberria da, bertan 1969an ekoiztu eta 8 Oscar sari irabazi zituen Patton filmaren inguru bi alprojen istorioa kontatzen du. Filmaren tarte batzuk Urbasan eta Iruñean grabatu zituzten. Poztekoa da eta irakurtzeko irrikitan gara.
Era berean, Iosu Morachok La utopía tiene los pies descalzos aurkeztuko digu azaroan, duela hilabete batzuk argitaratu zuen poema liburua.

Irratietara itzuli gara: Radio Euskadi, Hala Bedi, Eguzki, Info Zazpi

Asteartean bertan, eta hamabostero, Luis Soldevila eta June Sanmillán Radio Euskadiko Iflandian egonen dira (FMko 104.3an Iruñerrian). Era berean, June Sanmillanek Katakraketik pasako diren lagun batzuei elkarrizketak egingo dizkie Eguzki Irratian (107.00 Iruñerrian eta 91.00 Nafarroako gainontzeko tokietan).
Gainera, Eduardo Arteta Hala Bedin eta Info Zazpin (106.7) egongo da liburuak gomendatzen.
Halere, egon lasai, hementxe ere bilduko baititugu kolaborazio guzti hauek.