Urbasa-Entziaren sintesi espeleologikoa

Erran daiteke sintesi espeleologikorako lan hau 70eko hamarkadan hasi zela mamitzen. Izan ere, joan den mendeko 50 eta 60ko hamarkadetan gure aitzinetik ibili ziren belaunaldiek mendiguneaz zuten eskarmentu eta ezagutzak aukeraeman zigun, 70ekoan, bi kontu hauek bat egiteko: batetik, natura deskubritzeko grina, nerabezaro gorabeheratsu batetik abiatuta, eta bertzetik, askatasun sentsazioa, betiere xarmagarria, harrapatu gaituzten lurpeko esplorazio guztietan aurkitu duguna.