ZABALen isuria (1973-1976)

Ezker abertzalea paradigma berrien aurrean

Paulo Iztueta

Zabal aldizkariaren historia frankismoarekin bukatu zen, baina hark irekitako bidetik garatu dira geroko hainbat ideia, gogoeta, asmo eta kezka. Hori bai, beste testuinguru batean. Zabaleko lankideek orduko euskal gizartean indarrean zeuden korronte ideologiko nagusiak harrotu eta landu zituzten, marxismoa, sozialismoa, estrukturalismoa, nazionalismoa, feminismoa, ekologia eta abar.